Rreth nesh

Artemisa Gogollari MD, Mag.sc.hum, PhD(c) është mjeke dhe aktualisht punon si kërkuese shkencore në Departamentin e Edukimit Mjekësor në Universitetin e Bernës, Zvicër. Marvin Bundo MD, Mag.sc.hum, PhD(c) është gjithashtu mjek dhe aktualisht punon si studiues në Institutin e Mjekësisë Parandaluese në Universitetin e Bernës. Të dy punojnë gjithashtu si redaktorë dhe ilustrues mjekësorë në një kompani amerikane e specializuar në ofrimin e librave për universitetet mjekësore amerikane.

Pas përfundimit të studimeve mjekësore, Artemisa dhe Marvin fituan bursë të Komisionit Evropian për Linjën e Kërkimit të Shkencave Shëndetësore si studente master në Austri. Ata vazhduan karrierën e tyre në Austri si studiues në shkencat shëndetësore në Institutin e Vendimmarrjes Mjekësore dhe Vlerësimit të Teknologjisë Shëndetësore. Fokusi kërkimor i Artemisë-s ishte në përdorimin e informacionit shëndetësor të bazuar në prova dhe teknikave analitike për të përmirësuar trajtimin shëndetësor. Marvin kreu kërkimin e tij në fushën e mjekësisë së personalizuar dhe parandalimin e kancerit kolorektal. Ata përfunduan trajnimin e tyre pas-mjekësor me një diplomë master në Shkenca Shëndetësore në Vlerësimin e Teknologjisë Shëndetësore.

Artemisa fitoi një grant prestigjioz kombëtar në Zvicër për të kryer kërkimet e saj në fushën e edukimit mjekësor. Hulumtimi i saj aktual është përqendruar në atë se si të krijohen përvoja cilësore dhe efektive të të mësuarit dixhital për universitetet e mjekësisë, pedagogët dhe studentët në Zvicër. Marvin fitoi një grant Marie Skłodoëska-Curie, i cili e lejoi atë të vazhdonte punën e tij kërkimore në Zvicër. Hulumtimi i tij aktual është fokusuar në efektet e faktorëve mjedisorë në shëndetin mendor dhe epigjenetikë.

Artemisa dhe Marvin janë trajnerë të zhvillimit personal dhe meditimit. Ata fuqizojnë klientët e tyre që të transformojnë rrënjësisht mentalitetin e tyre, të përmirësojnë shëndetin, jetën personale dhe karrierën e tyre. Ata gjithashtu përdorin teknika të avancuara të meditimit dhe frymëmarrjes dhe ndajnë frymëzim dhe njohuri mbi spiritualitetin, shëndetin mendor, mjekësinë, epigjenetikën dhe harmoninë zemër-tru.